Aqtóbede júrgizýshi kýáligin zańsyz berýmen aınalysqan top ustaldy
Aqtóbede oblystyq mamandandyrylǵan halyqqa qyzmet kórsetý ortalyǵynda zańsyzdyqtyń joly kesildi.
«Oblystyq polıtsııa departamenti kólik quraldaryn júrgizý úshin kýálik berip, halyqqa zańsyz qyzmet kórsetken uıymdasqan qylmystyq toptyń jolyn kesti. Tintý is-sharalaryn júrgizý barysynda toptyń árbir qatysýshysynyń qylmystyq rólin rastaıtyn zattaı dáleldemeler alyndy. Atalǵan fakti boıynsha sotqa deıingi tergeý bastaldy», - dedi oblystyq PD baspasóz qyzmetinen.
Áleýmettik jelide osy operatsııa barysynda túsirilgen vıdeo tarap, Qaznette qyzý talqylanyp jatyr.
Aıta ketsek, buǵan deıin Aqtóbede iri qaradan vırýsty dıareıa anyqtalyp, qazir aýylǵa shekteý sharasy engizilip jatqanyn habarlaǵan edik.Infektsııalyq aýrý belgisi kópshilikke tanys. Іri qaranyń qyzýy kóteriledi, asqazany aýyryp, ishi ótedi. Keıin óledi. Búgingi kúni veterınar dárigerdiń bastamasymen shekteý qoıyldy. Mal qozǵalysy toqtaıdy. Aýyl ákiminiń sheshimi kúshine engennen keıin respýblıkalyq jumys toby qyzmet etedi. Zalalsyzdandyrý, vaktsına saldyrý jumysy júredi.
Vıdeodan alynǵan kadr
