Aqtóbede júrgizýshi áıel aıaldamany qıratyp ketti
AQTÓBE. QazAqparat – Aqtóbede 25 jastaǵy júrgizýshi jol erejesin buzyp, aıaldama pavılonyna baryp soqtyǵysty. Saldarynan ózi aýrýhanaǵa tústi, dep habarlaıdy QazAqparat tilshisi.
Aqtóbe oblystyq PD baspasóz qyzmetiniń habarlaýynsha, «BMW» avtokóliginiń 25 jastaǵy júrgizýshisi Aqtóbe qalasyndaǵy №7 klınıka-dıagnostıkalyq ortalyq aldynda turǵan aıaldama pavılonyna baryp soqtyǵysty.
«Júrgizýshi Aqtóbe áýejaıynan shyǵyp, jolda №7 KDO mańynda jol-qozǵalysy erejesin buzǵan. Ol jol belgisin syndyryp, avtobýs aıaldamasyn qıratyp ketken. Saldarynan ózi Jedel járdem aýrýhanasyna jatqyzyldy. Qazirgi kezde qan synamasy alynyp, tekserýge jiberildi. Oqıǵanyń mán-jaıy anyqtalyp jatyr. Abyroı bolǵanda jol apaty kezinde aıaldamada eshkim bolmaǵan», - dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, Samara-Shymkent tasjolynda úsh kólik soqtyǵysyp, tórt adam aýrýhanaǵa túsken bolatyn.
