Aqtóbede júrginshiniń ólimine qatysty qylmystyq is qozǵaldy
AQTÓBE. QazAqparat - Aqtóbe qalasynda 40 jastaǵy jaıaý júrginshiniń ólimine qatysty qylmystyq is qozǵalyp, tergeý jumystary bastaldy, dep habarlaıdy QazAqparat tilshisi.
Aqtóbe qalasyndaǵy Ortalyq bazar mańyndy №20 avtobýs jaıaý júrginshini qaǵyp ketip, 40 jastaǵy áıel oqıǵa ornynda qaza boldy. Polıtsııa qyzmetkerleri osy oqıǵaǵa baılanysty qylmystyq is qozǵalǵanyn habarlady.
«Jeksenbi kúni saǵat 11:00-de 36 jastaǵy avtobýs júrgizýshisi 40 jastaǵy júrginshini qaǵyp ketti. Júrginshi jol-kólik oqıǵasy kezinde alǵan jaraqatynan kóz jumdy. Medıtsınalyq saraptama kezinde júrgizýshiniń ishimdik ishpegeni anyqtaldy. Qazir osy oqıǵaǵa baılanysty Qylmystyq kodekstiń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha is qozǵaldy. Ózge aqparat tergeýge baılanysty qupııa saqtalady»,- dep habarlady oblystyq ІІD baspasóz qyzmeti.
