Aqtóbede júrginshiler jolynda balany kólik qaǵyp ketti
AQTÓBE. QazAqparat - Aqtóbe qalasyna 7 jasar balany kólik qaǵyp ketti, dep habarlaıdy QazAqparat tilshisi.
«Lada Largýs» avtokóliginiń 33 jastaǵy júrgizýshisi rettelmeıtin jaıaý júrginshiler ótkelinen ótip bara jatqan 7 jastaǵy balany qaǵyp ketti.
«Kámeletke tolmaǵan bala Aqtóbe oblystyq balalar aýrýhanasyna jetkizildi. Tergeý amaldary júrgizilip jatyr. Aqtóbe oblystyq polıtsııa departamenti júrgizýshilerdi turǵyn úı aýmaǵynda jáne aýlalarda qozǵalys kezinde muqııat bolýdy eskertedi. Kólikti jol boıy men balalardyń oıyn alańyna qoıýǵa bolmaıdy. Sondaı-aq, kámeletke tolmaǵandardyń ata-analaryna balalardy qaraýsyz qaldyrmaýǵa jáne jolda oınaý qaýipti ekenin týraly túsindirý jumystaryn júrgizýge keńes beremiz»,- dedi oblystyq PD baspasóz qyzmeti.
Aıta keteıik, Aqtóbe qalasyndaǵy aınalma jolda zeınetkerdi kólik qaǵyp, ol oqıǵa ornynda kóz jumdy.
