Aqtóbede «Júrekten júrekke» qaıyrymdylyq sharasy ótti
Aqtóbede «Júrekten júrekke» qaıyrymdylyq sharasy ótti. Aldymen qalalyq kórkemsýret lıtseıi, qalalyq balalar jáne jasóspirimder shyǵarmashylyq úıi men «Aqjelken» aýla klýby, balalar men jasóspirimderdiń tehnıkalyq shyǵarmashylyq ortalyǵyndaǵy balalardyń týyndylary aýktsıonǵa qoıyldy. Kartınalar men qolóner týyndylary 10-55 myń teńgege satyldy. Barlyǵy 300 myń teńgeden astam aqsha jınalyp, bul qarjy balalarǵa beriletin boldy.
Aıta keteıik, Aqtóbe qalasynda ata-ananyń qamtorlyǵynsyz, jetim qalǵan 1600-ge jýyq bala bar. Onyń 436-sy qamqorlyqqa alyndy. Qamqorlyqqa alynǵan balalardyń 107-de múlik bar. Ózgesi úshin Turǵyn úı qurylys jınaq bankinen esepshot ashylyp, aı saıyn aqsha aýdarylyp jatyr.
«Aqtóbe qalasy boıynsha ata-ana qamqorlyǵynsyz, jetim qalǵan 329 balanyń banktegi esepshotyna 38 mıllıon teńgege jýyq aqsha jınaldy. Taıaýda «Qolqanat Aqtóbe» qoryna kompanııalardan aqsha tústi. «SNPS - Aqtóbemunaıgaz» AQ-y 13 mıllıon teńge aýdaryp, 45 balanyń esepshotyna qarjy saldy. Balalar memlekettik baǵdarmalardyń arqasynda baspanaly bolyp jatyr. Oqýy men saýyqtyrý sharasy da bar. Degenmen qarapaıym azamattar men kompanııalar óz úlesin qosyp keledi», - dedi qala ákimi Іlııas Ispanov.
Qaıyrymdylyq sharasy kezinde mektep oqýshylary, kolledj stýdentterine Turǵyn úı qurylys jınaq bankinen esepshot ashylǵany men 100 myń teńge salynǵany týraly sertıfıkat tabys etildi. Al balalardy qamqorlyǵyna alǵan kásipkerler men kásiporyndar Alǵys hatpen marapattaldy. Sonymen qatar Q.Jubanov atyndaǵy Aqtóbe óńirlik memlekettik ýnıversıteti ata-ana qamqorlyǵynsyz qalǵan 5 mektep túlegine arnaıy grant tabys etti.
«Ýnıversıtettiń ǵylymı keńesiniń sheshimimen bes túlekke grant tabys etiledi. Túlekter kez kelgen mamandyqty tańdaı alady», - dedi ýnıversıtet rektory Baýyrjan Erdembekov. 
