Aqtóbede júrek-qan tamyrlary aýrýynan kóz jumatyndar kóp
AQTÓBE. QazAqparat - Aqtóbede júrek-qan tamyrlary aýrýyna shaldyǵyp, onyń saldarynan kóz jumatyndar basym. Qazir ólim-jitimniń 23 paıyzy osy dertke shaldyqqandar arasynda tirkelgen, dep habarlaıdy QazAqparat tilshisi.
Aqtóbede sońǵy jyldary júrek-qan tamyrlarynyń potologııasy jıi tirkele bastady. Kóbi dertinen aıyǵa almaı, kóz jumady. Oblystyq densaýlyq saqtaý basqarmasynyń basshysy Áset Qalıevtiń aıtýynsha, júrek ınfarkti - mıdaǵy qan aınalymynyń buzylýy kóbine ólimge ákep soǵady.
«Medıtsına salasynyń kórsetkishterine júrek-qan tamyrlary aýrýy men onyń emdelýi áser etedi. Soǵan sáıkes óńirde júrekke tikeleı ota jasaý qolǵa alyndy. Ótken jyly 290 ota jasalyp, 83 balanyń júregi emdeldi. Júrek soǵý yrǵaǵy buzylǵan 28 adamǵa operatsııa jasaldy. Ólim birinshiden júrek aýrýynda, ekinshiden onkologııalyq aýrýlarda jıi kezigedi. Adamdar óz densaýlyǵyn teksertip tursa, qaterli isikti erte anyqtap, ony emdeı alamyz. Máselen, bıyl 92 adamnan sút bezi derti anyqtaldy. Onyń ekeýi qaterli bolyp shyqty»,- dedi Áset Qalıev.
Onyń aıtýynsha, sút beziniń qaterli isigi dertiniń bári skrınıng kezinde anyqtalǵan. ıAǵnı, 2016 jyly onkologııalyq aýrýlardyń 9,4 paıyzy 4 satyda ǵana belgili bolyp, dárigerler olardy dertten aıyqtyrýǵa kómektese almaǵan. Sonymen qatar, adamdardyń ólimi jol-kólik oqıǵasy kezinde de jıi tirkeledi eken.
Aıta keteıik, Aqtóbe oblysy boıynsha turǵyndardyń ómir súrý uzaqtyǵy 72 jas 4 aıǵa jetti.
