Aqtóbede jumysshylar munaı urlaýmen aınalysqan
AQTÓBE. QazAqparat Aqtóbede munaı urlyǵy azaıar emes. Sońǵy 5 jylda 160 qylmystyq is tirkelip, 7 mıllıard teńgeden astam shyǵyn keltirilgen. Qazir «Saǵyz Petrolıým Kompanı» JShS aryzymen munaı urlaǵan qylmystyq top tergelip jatyr. Bul týraly oblys prokýrorynyń birinshi orynbasary Nurdáýlet Súıindikov baspasóz máslıhatynda aıtty, dep habarlaıdy QazAqparat tilshisi.
Aqtóbede munaı urlyǵymen aınalysqan qylmystyq top ustaldy degen habardan soń birden Erkin Іzbasarovtyń aty ataldy. Birinshi top múgedegi buryn «Aǵaıyndy tórteý» degen laqap atpen belgili bolǵan edi. Al búgin oblystyq prokýratýra birqatar ýákiletti, quqyq qorǵaý organdarynyń júıeli jumysynan soń áli de «qara altyndy» tonaý deregi tyıylmaǵanyn habarlady. Prokýratýra zertteý jumysyn qolǵa alyp, oǵan quqyq qorǵaýshylardy, memlekettik kiris departamentiniń qyzmetkerleri men ekologtardy, geologtardy qosqan. «Esepke alýdy avtomattandyrý júıesin iske qosý talap etiledi. Biraq jekelegen kompanııalar áli de eski ádetterinen tyıylar emes. Shıkizat uńǵymalardan ortalyqtandyrylǵan kollektorǵa emes, bólek turǵan bóshkelerge quıylady. Sodan soń, óndirilgen munaı kólemi syzǵyshpen ólshenedi. Bul munaıdyń bir bóligin jasyryp satýǵa múmkindik berip otyr. Naqty mysal. Qazir Vedomstvoaralyq tergeý tobymen «Saǵyz Petroleým Kompanı» JShS-niń aryzy boıynsha qylmystSayq is tergelip jatyr. Búgingi tańǵa bir ken ornynyń operatorlary, sheberleri men kúzetshileri túngi ýaqytta bóshkelerge óndirilgen munaıdyń bir bóligin zańsyz quıyp, satyp otyrǵandary anyqtaldy. Osyndaı tásilmen 530 tonna munaı urlanǵany belgili boldy. Tergeý jumystary jalǵasýda», - dedi Aqtóbe oblystyq prokýrorynyń birinshi orynbasary Nurdáýlet Súıindikov.
Prokýratýranyń deregine súıensek, qaraýsyz qalǵan nemese óndirisi toqtap turǵan ken oryndarynan da munaıdyń urlanǵany anyqtaldy. Sonymen qatar, keıbir kompanııalar tehnologııalyq shyǵyndar men jeke qajettilikke dep munaıdyń bir bóligin ózderine alyp qalyp, esepten shyǵaryp otyrǵan. «SNPS-Aqtóbemunaıgaz» AQ-y 2014-2016 jyldary 88 myń tonna munaıdy tehnologııalyq shyǵyndar retinde esepten shyǵarǵan. Bul kólemder keńes dáýirindegi normatıvtik qujattar negizinde anyqtaldy. «Saǵyz Petroleým Kompanı» JShS-i osy jyldar ishinde 2 myń tonna munaıdy uńǵymalardy ystyqtaı jýyp shaıý úshin paıdalanǵan. Mundaı shyǵyndardy esepteýdiń naqty ádisteri joq. Bizdiń oıymyzsha, mundaı jaǵdaı «qara altyn» óndirýshi kompanııanyń jumysshylary urlanǵan shıkizatty shyǵyn túrinde jasyryp qalýǵa múmkindik berip otyr»,- dedi N. Súıindik.
Aıta keteıik, sońǵy 5 jylda Aqtóbede munaı urlyǵy boıynsha 160 qylmystyq is tirkelgen. Ótken jyly 39 derek anyqtaldy. Shyǵyn 7 mıllıard teńgege esepteldi.
