Aqtóbede jumysshylar men munaı kompanııasynyń kelisiminen soń jalaqy ósti
AQTÓBE. QazAqparat - «Shyǵys munaı jáne servıstik qyzmet kórsetý» kompanııasy keıbir jumysshynyń jalaqysyn 50 paıyzǵa deıin kóterdi, dep habarlaıdy QazAqparat tilshisi.
Buǵan deıin «Shyǵys munaı jáne servıstik qyzmet kórsetý» JShS jumysshylary jalaqy kóterý máselesin qozǵap, oblys ákimdigi kelisimge kelýge shaqyrdy. Búgin eki taraptyń ortaq sheshim shyǵarǵany belgili boldy.
«Shyǵys munaı jáne servıstik qyzmet kórsetý» kásipornynyń jumysshylary eńbekaqylaryn 50% kóterýdi talap etken bolatyn. Jumysshylar men jumys berýshi arasyndaǵy eńbekaqy daýy eki aıǵa sozyldy. 11 qazanda tórt burǵylaý brıgadasy óz jumystaryn toqtatty. Bul jaǵdaı jumysshylardyń, ıaǵnı, óńir halqyna baılanysty bolǵan soń oblys ákimdigi eńbek daýyn sheshýge kómek kórsetti. Injenerden bastap qarapaıym jumysshynyń sózine deıin tyńdaldy. Egjeı-tegjeı taldaý júrgizildi. Keıin jumysshylardyń eńbekaqylaryn mamandyqtaryna qaraı dıfferentsıaldy túrde kóterý týraly sheshim qabyldandy. Aýyr jumyspen aınalysyp, anaǵurlym tómen eńbekaqy alatyn qarapaıym jumysshylarǵa basymdyq berildi. Kelissózderdiń nátıjesinde eki tarap ta rıza boldy. Aılyqty kóterý týraly buıryq 16 qazanda shyǵyp, barlyq brıgadalar jumystaryna qaıta kiristi«, - dep habarlady óńirlik kommýnıkatsııalar qyzmeti.
Al oblys ákiminiń orynbasary Qaırat Bekenov mundaı daýlardyń eń aldymen jumys berýshi men jumysshylar arasynda qoldanystaǵy zańnama aıasynda kásipodaq uıymdarynyń aralasýy arqyly sheshilý kerektigin atap ótti.
