Aqtóbede jumyldyrý daıyndyǵy, aýmaqtyq jáne azamattyq qorǵanys basqarmasynyń basshysy taǵaıyndaldy
AQTÓBE. KAZINFORM — Basqarma basshysy qyzmetin Nurgeldi Ótemuratov atqarady. Ol buǵan deıin oblys ákimi apparaty basshysynyń orynbasary boldy.
QR Memlekettik qyzmet isteri agenttiginiń kelisimimen Aqtóbe oblysynyń jumyldyrý daıyndyǵy, aýmaqtyq jáne azamattyq qorǵanys basqarmasynyń basshysy qyzmetine Nurgeldi Ótemuratov taǵaıyndaldy.
37 jastaǵy aqtóbelik qarjy, quqyqtaný, dene shynyqtyrý jáne sport mamandyqtary boıynsha bilim alǵan. Eńbek jolyn 2010 jyly áskerı qyzmetten bastaǵan. Ár jyldary aýyl sharýashylyǵy jáne kásipkerlik salasynda basshylyq qyzmetter atqarǵan. Aqtóbe oblysy ákiminiń baspasóz qyzmetiniń habarlaýynsha, 2020–2025 jyldary Aqtóbe qalasy ákiminiń keńesshisi jáne qalalyq dene tárbıesi jáne sport bóliminiń basshysy boldy. 2025 jylǵy sáýirden bastap Aqtóbe oblysy ákimi apparaty basshysynyń orynbasary qyzmetin atqaryp keldi.
Eske salsaq, Aqtóbe oblystyq jumyldyrý daıarlyǵy, aýmaqtyq qorǵanys basqarmasy birer jyl buryn ǵana qurylyp, basshysy taǵaıyndalǵan edi. Bul qyzmetti sol kezde Temirjan Bólteev atqardy.
Sonymen birge ótken aptada Oıyl jáne Shalqar aýdandarynyń ákimderi taǵaıyndaldy.
