Aqtóbede juldyzqurt orman aǵashtaryn qurtyp jatyr
AQTÓBE. QazAqparat – Aqtóbede 80 gektar bolatyn eki orman alqabyn ýlaý qajet. Qazir sol aýmaqta qurt qaptap, aǵashtar japyraqsyz qaldy, dep habarlaıdy QazAqparat tilshisi.
Aqtóbe qalasy men Mártók aýdany aýmaǵyna qarasty eki ormanda qazir qurt qaptap júr. Juldyzqurt birer kúnnen keıin kóbelekke aınalýy tıis. Alaıda sol birer kúnde aýmaǵy ondaǵan gektar ormandy otap ketýi múmkin.
«Aqtóbe qalasynda shamamen 40, Mártókte 40 gektar bolatyn aýmaqty ýlaý kerek. Bul 80 gektar aýmaqty dezınfektsııalaý jumysyna únemdelgen qarjydan aqsha bólinedi. Biz zııankester otap ketken 4-5 ga aımaqty ǵana emes, jalpy ormandy zalalsyzdandyramyz. Óıtkeni jelmen ushyp bara beredi. Óńirde jańbyr jaýdy. Bul kezde ýlaýǵa bolmaıdy. Jelsiz, kún ysyǵan shaqta jumysqa kirisemiz. Ýlaý jumysyna jaýapty merdiger de anyqtalyp otyr», - dedi oblystyq tabıǵı resýrstar jáne tabıǵatty paıdalanýdy retteý basqarmasy orman sharýashylyǵy bóliminiń basshysy Ǵabıt Qylyshbaev.
Aıtyp óteıik, Aqtóbe oblysy boıynsha barlyǵy 7 orman sharýashylyǵy bar. Bıyl ormanshylar tálimbaqta baptalǵan ekpeni ekti.
