Aqtóbede júktimin dep jumys berýshini aldap kelgen áıeldiń isi qaralyp jatyr
Aqtóbe qalasy Almaty aýdandyq polıtsııa qyzmeti júktimin dep dekrettik demalysqa shyqqan kúdiktiniń isin qarap jatyr. Polıtsııaǵa aryzdy munaı kompanııasy túsirgen.
«Jumysshysy óziniń júkti ekenin aıtyp, jeńil qyzmetke aýystyrýdy suraǵan. Keıin dekrettik demalysqa shyqqan. Protsessýaldyq sheshimniń zańdylyǵyn tekserý kezinde kelinshektiń dárigerlerdi aldap, jumysqa jaramsyz ekenin dáleldeıtin anyqtama alǵany, tipti bir rettik áleýmettik tólemge jáne bosanǵannan keıingi tólemge qol jetkizgeni anyqtaldy. Bul shamamen 900 myń teńge bolady. Osyǵan baılanysty prokýratýra Qylmystyq kodekstiń «Alaıaqtyq» baby boıynsha sotqa deıingi tergeýdi bastady. Qylmystyq isti tergeý kezinde tıisti tekserýler júrgizbeı jumysqa jaramsyzdyǵy týraly anyqtama bergen dárigerlerdiń áreketi de tekseriledi», - dep jazdy Aqtóbe qalasy Almaty aýdanynyń prokýrory Jasulan Dáýlembaev.