Aqtóbede júkti áıel joǵalyp ketti
AQTÓBE. QazAqparat - Aqtóbe qalasynda 32 jastaǵy Dınara Zarıpova joǵalyp ketti. Júkti kelinshek úıinen shyǵyp ketip, bir aptadan beri oralmaǵan, dep habarlaıdy QazAqparat tilshisi.
«Apam Dınara Zarıpova 5 naýryz kúni úıden shyǵyp ketip, oralmady. Úsh balasy bar. Joldasymen arada eshqandaı urys-keris bolmady. Eshqashan úıden ketip, habarsyz qalmap edi. Birinshi ret tirkelip turǵan soń polıtsııaǵa aryz jazyp, kómek suradyq. Aýylda turatyn edi. Maǵan jáne ata-enesiniń úıine baratyn. Úlkeni 5 synyp oqıdy. 6 jáne 2 jasta balalary bar. Qazir tórtinshi balasyna júkti. Sol kúni keshkilik meniń úıimnen shyǵyp ketip, habarsyz qaldy», - sińlisi Gúlmıra Zarıpova.
Qazir eriktiler izdeý jumystaryna kiristi. Aqtóbe oblystyq polıtsııa departamentiniń baspasóz qyzmeti 8-naýryz kúni aryz túskenin, izdeý jumystary júrip jatqanyn habarlady.
