Aqtóbede júk jáne jeńil kólik soqtyǵysyp, jolaýshy aýrýhanaǵa tústi

AQTÓBE. QazAqparat – Aqtóbede aýa raıy nasharlap, jolda kólik apaty kóbeıdi. Samara – Shymkent tasjolynda júk jáne jeńil kólik soqtyǵysyp qaldy, dep habarlaıdy QazAqparat tilshisi.

Aqtóbe oblystyq PD baspasóz qyzmetiniń habarlaýynsha, Samara – Shymkent tasjolynyń 830 shaqyrymynda jol-kólik oqıǵasy boldy. «Vaz 21120» avtokóliginiń 22 jastaǵy júrgizýshisi Aqtóbe qalasynan Hromtaý qalasyna baǵyt alyp, aldyndaǵy «Schmitz» júk avtokóligine soǵyldy.

«Júrgizýshi joldyń taıǵaq ekenin eskermegen. Júk kóligine soǵylyp qaldy. Jol apaty saldarynan jeńil kólik jolaýshysy Hromtaý aýdandyq ortalyq aýrýhanasyna jetkizildi», - dedi oblystyq PD baspasóz qyzmetiniń jetekshisi Erbolat Sarqulov.

Aıta keteıik, aýa raıy kúrt ózgerip, qar jaýyp, boran soqqandyqtan Samara – Shymkent tasjolynyń Hromtaý-Qarabutaq arasy jabyldy.