Aqtóbede júk tasymalymen zańsyz aınalysqan sheteldikter elden shyǵarylady
AQTÓBE. KAZINFORM – Sheteldikterge jumys berýshiler de ákimshilik jaýapqa tartyldy. Tórt kúnniń ishinde kóshi-qon zańnamasyn buǵan 100-den astam adam anyqtaldy.
Aqtóbe polıtsııasy «Mıgrant» respýblıkalyq jedel-profılaktıkalyq is-sharasy ótkizdi. Kóshi-qon zańnamasyn buzǵany úshin 100-den astam adam ákimshilik jaýapqa tartyldy. Sonyń ishinde sheteldik jumysshylardyń qyzmeti tekserildi.
– Muǵaljar aýdanynda tıisti ruqsat qujattary joq úsh shetel azamaty ustaldy. Olar júk tasymaldaıtyn kólikti basqaryp, zańsyz tasymaldaýmen aınalysqan. Sot el aýmaǵynan shyǵarý týraly sheshim qabyldady. Sonymen qatar sheteldik jumys kúshin tartqan jumys berýshiler de jaýapqa tartyldy, - dedi Aqtóbe oblystyq PD baspasóz qyzmeti.
Buǵan deıin habarlaǵanymyzdaı, Aqtóbede shekarany zańsyz kesip ótpek bolǵan 18 sheteldik ustaldy. Olar qysh taqtaısha tıelgen dep mórlengen júk kóligine minip, «Jaısań» shekara beketin kesip ótpek boldy.
Qazir tergeý júrip jatyr.
