Aqtóbede júk poıyzynyń teplovozynan órt shyqty

AQTÓBE. KAZINFORM – Aqtóbeniń júk poıyzynyń teplovozynan órt shyǵyp, vagondar ajyratyldy. Órt 1 saǵattan soń sóndirildi.

Oqıǵa búgin saǵat 01:45-te Muǵaljar aýdany Embi qalasynan 37 shaqyrym qashyqtyqta bolǵan. Bul qosalqy, ıaǵnı, jeke temirjol boıynda tirkelgen órt. 

- Bul Jańajoldan Embi stansasyna baǵyt alǵan júk poıyzy. Mashınıster birden vagondardy teplovozdan ajyratty jáne qaýipsiz jerge áketti. Órt saǵat 03:50-de tolyq sóndirildi. Zardap shekken adam joq. Qazirgi kezde órttiń shyǵý sebebi anyqtalyp jatyr, - dedi oblystyq TJD-niń baspasóz qyzmeti. 

Eske salsaq, Aqtóbede 45 jastaǵy áıel temirjolda kóz jumdy. Aqtóbe stantsııasyndaǵy jelilik polıtsııa bóliminiń sotqa deıingi tergep-tekserý biryńǵaı tiziliminde Qylmystyq kodeksiniń «Abaısyzda adam ólimine ákep soqqan temirjol kóligi qozǵalysynyń qaýipsizdik qaǵıdalaryn buzý» baby boıynsha is tirkeldi.