Aqtóbede júk kólikteriniń júrýine shekteý qoıyldy
AQTÓBE. QazAqparat - Aqtóbede aýa raıy nasharlap, respýblıkalyq mańyzy bar joldyń bir bóliginde júk kóliginiń júrýine shekteý qoıyldy, dep habarlaıdy QazAqparat tilshisi.
Aqtóbe oblystyq polıtsııa departamenti júrgizýshilerdi jolda asa saq bolýǵa shaqyrdy. Qazirgi ýaqytta Samara - Shymkent tasjolynyń 776-965 shaqyrymy aralyǵynda shekteý qoıyldy. Bul tek júk kólikterine qatysty talap. Sonymen birge jeńil kólik júrgizýshileri úshin qarsy baǵytqa shyǵý, jyldamdyqty asyrý asa qaýipti.
Aıta keteıik, buǵan deıin Aqtóbe oblysynyń Pokrovka-Jańajol baǵytyndaǵy jolda avtobýs pen júk kóligi soqtyǵysyp, eki adam kóz jumdy.