Aqtóbede júk kóliginiń astynda qalǵan velosıpedshi kóz jumdy
AQTÓBE. QazAqparat – Aqtóbede 30 jastaǵy velosıped júrgizýshisin júk kóligi qaǵyp ketti. Jaraqat alǵan jas jigit oqıǵa ornynda kóz jumdy, dep habarlaıdy QazAqparat tilshisi.
«KaMAZ» kóliginiń júrgizýshisi Aqtóbe qalasyndaǵy 312-atqyshtar dıvızııasy dańǵyly boıymen júrip, «Shalqar» dúkeni mańynda velosıpedshini qaǵyp ketti.
Ol belgilendegen jerden joldy kesip ótpek bolǵan.
Sol kezde júk kóligimen soqtyǵysyp, oqıǵa ornynda kóz jumdy.
Atalǵan fakti boıynsha sotqa deıingi tergeý bastaldy.
«Mundaı jerde adamdar kóbine velosıpedpen júredi. Júrgizýshiler jyldamdyqty saqtap, qyraǵy bolýy tıis. Kez kelgen sátte adam nemese velosıped júrgizýshisi shyǵa kelýi múmkin. Oblystyq polıtsııa departamenti jol qozǵalysynyń barlyq qatysýshysyn jol erejelerin qatań saqtaýǵa shaqyrady»,- dedi oblystyq PD baspasóz qyzmetiniń jetekshisi Erbolat Sarqulov.
