Aqtóbede júk kóligi úsh táýlikten beri jol jıeginde jatyr
AQTÓBE. QazAqparat - «Samara – Shymkent» tasjoly boıynda júk kóligi bir búıirine aýdarylyp qaldy. Úsh táýlikten beri júrgizýshi kómek surap júr, dep habarlaıdy QazAqparat tilshisi.
«Júk kóligi Samara-Shymkent tasjolynda tur. Aýa raıy qolaısyz bolyp, júk tıegen kólik joldan shyǵyp, bir búıirine qaraı jantaıyp qalǵan. Kólik júrgizýshisi - Qyrǵyzstan azamaty. Sheteldik kómek surady. Qazir tehnıkalyq kómek qajet, kólik buzylyp qalǵan. Yrǵyz aýdandyq polıtsııa bóliminiń qyzmetkerleri Baýyrjan Nurǵalıev, Serik Sársenov jáne Baqdáýlet Baıdildın kúni-túni júrgizýshiniń qasynda bolyp, oǵan barynsha qoldaý kórsetip jatyr», - dep habarlady oblystyq PD baspasóz qyzmetiniń jetekshisi Erbolat Sarqulov.
