Aqtóbede júk kóligi poıyzǵa soǵyldy

AQTÓBE. QazAqparat – Samara-Shymkent tasjolyndaǵy temirjol ótkelinde poıyz ben jeńil kólik tıegen júk kóligi soqtyǵysty. Saldarynan júk kóliginiń júrgizýshisi kóz jumdy, dep habarlaıdy QazAqparat tilshisi.

Samara-Shymkent tasjolyndaǵy oqıǵa búgin saǵat 15:50-de tirkeldi. Oblystyq polıtsııa departamenti baspasóz qyzmetiniń jetekshisi Erbolat Sarqulovtyń aıtýynsha, «Jazyq» temirjol ótkelinde birneshe jeńil kólik tıegen júk kóliginiń júrgizýshisi poıyzben soqtyǵysty.

«Aldyn ala málimetter boıynsha, avtokólik júrgizýshi baǵdarshamnyń tyıym salý sıgnalyna toqtamaǵan. Sóıtip poıyzǵa soqtyǵysqan. Apat saldarynan avtokólik júrgizýshisi jedel járdem kóliginde kóz jumdy. Qazir jol-kólik oqıǵasynyń naqty sebebi anyqtalyp jatyr», - dedi oblystyq PD baspasóz qyzmetiniń jetekshisi E.Sarqulov.

Júk tıegen kólikte barlyǵy 4 jeńil kólik bolǵan. Onyń tórteýi jaramsyz kúıge tússe, ózgesi búlinbegen.

Eske salsaq, Aqtóbedegi demalys bazasynda qarda júretin kólik rýline mektep oqýshysy otyryp, ol birneshe adamdy qaǵyp ketti. Saldarynan 40 jastaǵy áıel kóz jumdy. Al 49 jastaǵy er adam men kámeletke tolmaǵan bes bala, onyń ishinde bir jasar bala medıtsınalyq mekemege jatqyzyldy. Atalǵan fakti boıynsha Aqtóbe oblysy polıtsııa departamenti tekserý júrgizdi. Oblystyq bilim basqarmasynyń habarlaýynsha, rýlde otyrǵan mektep oqýshysy bolyp shyqty.