Aqtóbede júk kóligi men jeńil avto soqtyǵysyp, eki adam kóz jumdy
Oqıǵa Aqtóbe oblysy Jańajol kenti men Muǵaljar aýdanyndaǵy «Severnaıa trýva» ken orny arasynda boldy. Oblystyq PD baspasóz qyzmetiniń habarlaýynsha, «ÝAZ» avtokóliginiń 25 jastaǵy júrgizýshisi óndiristik aýmaqta qozǵalystyń qarsy jolaǵyna shyǵyp ketip, «Shacman» avtokóligimen soqtyǵysqan.
«Jol-kólik oqıǵasy saldarynan «ÝAZ» avtokóliginiń júrgizýshisi men jolaýshy Keńqııaq kentiniń aýrýhanasyna jatqyzyldy. Al, osy avtokóliktiń eki jolaýshysy oqıǵa ornynda kóz jumdy. Qazirgi kezde Qylmystyq kodekstiń «Abaısyzda eki nemese odan da kóp adamnyń ólimine ákep soqqan jol qozǵalysy erejelerin buzý» baby boıynsha sotqa deıingi tergeý bastaldy.
Aqtóbe oblysynyń Polıtsııa departamenti jol apatynyń eń kóp taralǵan sebepteriniń biri – jol qozǵalysy erejelerin saqtamaý ekenin eske salady.
«Júrgizýshilerdi joldarda óte muqııat jáne saq bolýǵa shaqyramyz», - dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, buǵan deıin de Aqtóbede jeńil jáne júk kóligi soqtyǵysty. Saldarynan erli-zaıypty men otbasynyń úsh balasy aýrýhanaǵa tústi. Oqıǵa Samara-Shymkent tasjolynyń Yrǵyz aýdany, Qumtoǵaı aýyly mańynda boldy. «Mersedes AMG» avtokóliginiń 55 jastaǵy júrgizýshisi qarsy qozǵalysqa arnalǵan jolaqqa shyǵyp, «DAF» júk kóligimen soqtyǵysqan. «Saldarynan «Mersedes AMG» avtokóliginiń júrgizýshisi, áıeli men kámeletke tolmaǵan úsh balasy (2020, 2014, 2012 jyly týǵan) túrli jaraqatpen medıtsınalyq mekemege jatqyzyldy.
