Aqtóbede júk kóligi men poıyz teplovozy soqtyǵysty
AQTÓBE. KAZINFORM — Oqıǵa Qarabutaq — Qostanaı tasjoly aýmaǵynda boldy. Temirjol ótkenindegi jol-kólik oqıǵasynan soń júrgizýshi aýrýhanaǵa jetkizildi.
Qazirgi kezde Qarabutaq — Qostanaı jolynda qozǵalysqa ýaqytsha shekteý engizildi.
— Temirjol ótkelinde júk avtokóligi men júk poıyzynyń teplovozy soqtyǵysyp, júrgizýshisi jeńil dene jaraqatyn aldy. Ol aýdandyq aýrýhanaǵa jetkizildi. Ózge zardap shekkender joq. Oqıǵaǵa baılanysty atalǵan jol ýchaskesinde kólik qozǵalysy ýaqytsha shekteldi. Qazirgi ýaqytta quzyrly qyzmetter joldyń júrý bóligin bosatyp, kólik qozǵalysyn qalpyna keltirý úshin qajetti sharalardy qabyldap jatyr. Polıtsııa júrgizýshilerge temirjol ótkelderinde baǵdarsham sıgnaldary men shlagbaým talaptaryn qatań saqtaýdy eskertedi, — dep habarlady oblystyq PD baspasóz qyzmeti.
Eske salsaq, shilde aıynda mundaı oqıǵa Almatyda da boldy. KamAZ júk kóliginiń júrgizýshisi manevr jasaý kezinde temirjol ótkeline shyǵyp, toǵyz vagonnan turatyn poıyzben soqtyǵysqan.
