Aqtóbede júk kóligi men avtobýs soqtyǵysyp, júrgizýshi mert boldy
AQTÓBE. KAZINFORM – Aqtóbeniń Áıteke bı aýdany Kórpe aýyly mańynda jol-kólik apaty boldy. Avtobýstyń júrgizýshisi oqıǵa ornynda kóz jumdy.
Jol-kólik apaty búgin Samara–Shymkent tasjolynyń Áıteke bı aýdany Kórpe aýylynyń mańynda boldy. Júk kóligi men jolaýshylar mingen avtobýs soqtyǵysty. Aqtóbe oblystyq Polıtsııa departamenti baspasóz qyzmetiniń habarlaýynsha, avtobýs júk kóliginiń tirkemesine janasyp, soqtyǵysty. Avtobýsta barlyǵy 6 jolaýshy bolǵan.
- Avtobýs júrgizýshisi qarama-qarsy kele jatqan júk kóligimen aradaǵy qashyqtyqty saqtamaǵan. Saldarynan júk kóligi tirkemesiniń bir búıirine soqtyǵysady. Avtobýs joldan shyǵyp ketip, júrgizýshi kóz jumdy. Jolaýshylarda qandaı da bir jaraqat joq,- dep habarlady Áıteke bı aýdandyq polıtsııa bólimi.
Aıta keteıik, Aqtóbede jol-kólik apatynda anasy men balasy kóz jumdy. Ákesi men 10 aılyq balasy aýrýhanaǵa tústi.