Aqtóbede joldyń qarsy baǵytyna shyǵyp ketken júrgizýshi kópshilikten keshirim surady
AQTÓBE. QazAqparat – Aqtóbede memlekettik nómiri joq kólik júrgizip, joldyń qarsy baǵytyna shyqqan júrgizýshi ustaldy. Ol kópshilikten keshirim surady, dep habarlaıdy QazAqparat tilshisi.
Aqtóbe oblystyq polıtsııa departamenti joldyń qarsy baǵytyna shyǵyp, ereje buzǵan kólik júrgizýshisin tapty.
Áleýmettik jelige jarııalanǵan materıalǵa súıensek, kóliktiń memlekettik nómiri de bolmaǵan.
«Áleýmettik jelige monıtorıng jasaǵan polıtsııa qyzmetkerleri 9-jeltoqsan kúni belgisiz adamnyń «Lada 2170» markaly kóligimen jol erejesin buzǵanyn anyqtady. Júrgizýshi Ábilqaıyr han dańǵylynda qarsy baǵytqa shyǵyp ketken. Sonymen birge onyń memlekettik nómiri de bolmady. Polıtsııa qyzmetkerleri ony izdep taýyp, ákimshilik jaýapqa tartty», - dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, Ákimshilik quqyq buzý kodeks3yiń «Kólik quralyn joldyń júrý bóliginde ornalastyrý, qarsy júrip ótý nemese basyp ozý qaǵıdalaryn buzý» babynyń besinshi bólimine sáıkes 50 AEK kóleminde aıyppul salý kózdelgen.
Al «Kólik quraldaryn paıdalaný qaǵıdalaryn buzý» babynyń ekinshi bólimi boıynsha 10 AEK aıyppul kózdelgen.
