Aqtóbede joldy kesip ótpek bolǵan júrginshi kóz jumdy
AQTÓBE. QazAqparat – Aqtóbe-Orsk tasjoly boıyndaǵy aýyl mańynda joldy kesip ótpek bolǵan jaıaý júrginshi kóz jumdy, dep habarlaıdy QazAqparat tilshisi.
Aqtóbe-Orsk tasjolymen kele jatqan «Lada» avtokóliginiń 36 jastaǵy júrgizýshisi jyldamdyqty báseńdetpeı, joldy kesip ótpek bolǵan adamdy qaǵyp ketti. Kólik qaǵyp ketken 42 jastaǵy turǵyn sol jerde kóz jumdy.
«Jol-kólik oqıǵasyna baılanysty Qylmystyq kodekstiń «Jol qozǵalysy erejesin buzý» baby boıynsha tergeý bastaldy. Jyl basynan beri jaıaý júrginshilerdiń qatysýymen 141 oqıǵa tirkeldi. Onda 11 adam kóz jumsa, 135-i túrli dárejede jaraqat aldy», - dedi oblystyq PD baspasóz qyzmetiniń jetekshisi Erbolat Sarqulov.
