Aqtóbede joldy kesip ótpek bolǵan áıel mert boldy
AQTÓBE. QazAqparat – Aqtóbe – Bogoslovka tasjolyn kesip ótpek bolǵan eki aqtóbelikti kólik qaǵyp ketti. Bireýi oqıǵa ornynda kóz jumdy, dep habarlaıdy QazAqparat tilshisi.
Aqtóbe-Bogoslovka tasjolynda «Volkswagen Passat» avtokóliginiń júrgizýshisi eki áıeldi qaǵyp ketti.
Jaıaý júrginshilerdiń biri oqıǵa ornynda kóz jumdy, biri dene jaraqatymen aýrýhanaǵa tústi.
Jyl basynan beri oblys aýmaǵynda jaıaý júrginshilerdiń qatysýymen 164 jol-kólik oqıǵasy tirkelgen. Barlyǵy 11 adam kóz jumyp, 158 adam jaraqat aldy.
«Polıtsııa únemi aldyn alý jumysyn júrgizedi. 10 aı ishinde jol qozǵalysy erejelerin buzǵany úshin jaıaý júrginshilerge 170 ákimshilik hattama toltyryldy», - dedi oblystyq PD baspasóz qyzmetiniń jetekshisi Erbolat Sarqulov.
Sonymen birge júrginshilerge jol bermegen 21 júrgizýshige qatysty da ákimshilik is qozǵalǵan.
