Aqtóbede joldy kesip ótpek bolǵan ájesi men nemeresin kólik qaǵyp ketti

AQTÓBE. KAZINFORM — Jol-kólik oqıǵasy kezinde jaraqan alǵan zeınetker kóz jumdy, al 9 jastaǵy qyz aýrýhanada jatyr.

Oqıǵa Aqtóbe qalasy Álııa Moldaǵulova dańǵylynda boldy. Bul jerde jer ústi ótkeli ǵana bar. Al ájesi men nemeresi joldy belgilenbegen jerden kesip ótpek bolǵan. 

— «Lada-21901» avtokóliginiń júrgizýshisi aǵaıyndy Jubanovtar kóshesinen shyǵyp, Álııa Moldaǵulova dańǵylymen qozǵalady. Sol kezde 65 jastaǵy qarııa men onyń janyndaǵy nemeresin kólik qaǵyp ketti. Ekeýin de aýrýhanaǵa jetkizgenimen, zeınetker kóz jumdy. Al oqýshy qyz aýrýhanada jatyr. Qazir sot aldy tergeýi bastaldy, al kólik avtoturaqqa qoıyldy, — dedi oblystyq PD baspasóz qyzmeti.

Aqtóbe oblystyq densaýlyq saqtaý basqarmasy baspasóz qyzmetiniń habarlaýynsha, qyz jabyq bas-mı jaraqatyn aldy. Oblystyq kópbeıindi balalar aýrýhanasynyń neırohırýrgııa bóliminde em qabyldap jatyr.

Aıta keteıik, Aqtóbede eskirtkige mas kúıinde kólik júrgizgen rep oryndaýshysy Qarakesek ustaldy. Ol 15 táýlikke qamalyp, 7 jylǵa júrgizýshi kýáliginen aıyryldy.