Aqtóbede joldan júgirip ótpek bolǵan 7 jastaǵy balany kólik qaǵyp ketti
AQTÓBE. QazAqparat - Aqtóbede 7 jastaǵy balany kólik qaǵyp ketti. Ol joldy belgilenbegen jerden kesip ótpek bolǵan, dep habarlaıdy QazAqparat tilshisi.
«34 jastaǵy «Volkswagen Passat» markaly avtokólik júrgizýshisi Aqtóbe qalasynyń Janqaja batyr jáne Asaý Baraq kósheleriniń qıylysynda 7 jastaǵy balany qaǵyp ketti. Bala oqıǵa ornynda qaza boldy. Jol-kólik oqıǵasy sotqa deıingi tergeý reestrine tirkeldi. Qylmystyq is qozǵaldy», - dep habarlady Aqtóbe oblystyq ІІD baspasóz qyzmeti.
Aıta keteıik, osy oqıǵaǵa baılanysty Qylmystyq kodekstiń «Kólik quraldaryn basqaratyn adamdardyń jol erejesi nemese kólik quraldaryn paıdalaný qaǵıdalaryn buzýy» baby boıynsha is qozǵaldy.
