Aqtóbede joldan ótip bara jatqan adamdy kólik qaǵyp, mert boldy
AQTÓBE. KAZINFORM — Aqtóbe qalasynda jaıaý júrginshini kólik qalyp, artynsha júrgizýshi rólge ıe bola almaı qaldy. Saldarynan ózge bir kólikke soqtyǵysty.
Aqtóbe qalasy Aqjar-2 eldi mekeninde jol-kólik apaty boldy. Jaıaý júrginshi oqıǵa ornynda qaza tapty.
— 13 qarasha kúni saǵat 20:45 shamasynda Aqtóbe qalasy Aqjar-2 eldi mekeni tusynda Lada Granta markaly kóliginiń júrgizýshisi jaıaý júrginshini qaǵyp ketedi. Júrginshi oqıǵa ornynda kóz jumdy. Ári qaraı kólik baǵytyn ózgertip, qarsy betke shyǵyp ketti. Sol kezde Lada Prıora kóligimen soqtyǵysty. Eki júrgizýshi aýrýhanaǵa tústi, — dedi Aqtóbe oblystyq PD Patrýldik polıtsııa komandıri Aıbar Meńdibaıuly.
Aıta keteıik, jyl basynan beri Aqtóbe oblysynda myńǵa jýyq jol-kólik apaty tirkeldi. Onda 130-dan astam adam mert boldy. Kóbine jyldamdyqty asyrý, qarsy baǵytqa shyǵyp ketý deregi tirkelip jatyr.
Eske salsaq, aqtóbelik turǵyn eki aı ishinde 308 ret jol erejesin buzdy. Ol sheteldik nómirli kólikpen júrip, jyldamdyqty asyrǵan. Sóıtip 11,5 mln teńge aıyppul arqalady.
