Aqtóbede joldaǵy qaýipsizdik kúsheıtildi
AQTÓBE. QazAqparat - Aqtóbede «Qaýipsiz jol» aldyn alý sharasy ótip jatyr. Bir apta ishinde 8 kólik júrgizýshisine qatysty qylmystyq is qozǵaldy, dep habarlaıdy QazAqparat tilshisi.
«Jol-kólik oqıǵalarynyń aldyn alýǵa baǵyttalǵan shara 9 kúnge sozyldy. Jol-patrýldik polıtsııasy jol erejesin buzǵan 4 myńnan astam kólik júrgizýshisin anyqtady. Qazirgi ýaqytta kólikti mas kúıinde júrgizetinder de azaımaı tur. 100-den astam adam shimdik iship, rýlge otyrǵan. Kólik júrgizýge quqyǵy joq 200 adam tirkeýge alyndy. Kóbi kólik júrgizýshi kýáligin almastan mashına aıdaǵan»,- dedi oblystyq ІІD baspasóz jetekshisi Nurgúl Qonaqbaeva. Jolda júrý erejesin buzǵan adamdar ákimshilik jaýapkershilikke tartyldy. Al buryn ishimdik iship, kólik júrgizgeni úshin kýáliginen aıyrylǵan 8 adamǵa qatysty qylmystyq is qozǵaldy. Olar Qylmystyq kodekstiń «Kólik quraldaryn basqarý quqyǵynan aıyrylǵan, alkogoldik, esirtkilik jáne ýytqumarlyq masań kúıdegi adamnyń kólik quralyn basqarýy, sol sııaqty kólik quralyn osyndaı adamnyń basqarýyna berý nemese kólik quralyn osyndaı adamnyń basqarýyna jol berý» baby boıynsha jaýapqa tartylady.
