Aqtóbede jolaýshylar tasymaldaıtyn basty uıym ózgerýi múmkin
AQTÓBE. QazAqparat - Qalalyq ákimdiktiń májilisinde Aqtóbe oblysynyń ákimi Berdibek Saparbaev qoǵamdyq kóliktiń jumysyn taǵy da synǵa aldy, dep habarlaıdy QazAqparat.
«Qoǵamdyq kólik máselesin tarıfterdi 90 teńgege kóterip, op-ońaı sheshe salýǵa bolady. Alaıda bul taǵy sol halyqqa salmaq túsiredi. Bizde Aqtóbede el boıynsha eń tómengi tarıf. Sońǵy 5 jylda avtopark (qoǵamdyq tasymaldaýshy) eshteńe tyndyrǵan joq. Aqtóbe PAZıkter júretin jalǵyz ortalyq. 2015 jyly kelisimge sáıkes, tasymaldaýshy avtobýstardy jóndeýden ótkizip, olardy mıkrofondarmen, GPS-pen jabdyqtaımyz dep ýáde etti. Alaıda moınyna alǵan mindetti oryndaǵan joq. Men qala ákiminiń aldyna mindet qoıdym. Ony oryndamasa qosh aıtysamyz. Basqa basshy tabamyz»,-dedi B.Saparbaev.
Óńir basshysynyń sózinshe, endi Aqtóbede jolaýshylardy tasymaldaý úshin 3 paıyz lızıngpen otandyq avtobýstar satyp alynady.
