Aqtóbede jolaýshylar mingen shaǵyn avtobýs aýdarylyp qaldy
AQTÓBE. QazAqparat - Samara - Shymkent tasjolynyń Yrǵyz aýdany mańynda shaǵyn avtobýs aýdarylyp qaldy, dep habarlaıdy QazAqparat tilshisi.
Samara-Shymkent tasjolynyń 1157 shaqyrymynda, ıaǵnı, Yrǵyz aýyly mańynda shaǵyn avtobýs aýdaryldy.
Avtobýs ishinde 21 jolaýshy bolǵan.
«Wolkswagen Crafter» markaly mıkroavtobýstyń 37 jastaǵy júrgizýshisi Qyzylorda oblysynyń shekarasynan Aqtóbe qalasyna baǵyt alǵan.
Ol jol-meteorologııalyq jaǵdaıdy eskermeı, taıǵaq kezinde joldyń sol jaǵyna aýdarylyp qaldy.
«Shaǵyn avtobýs salonyndaǵy 21 jolaýshynyń ishinde úsheýi - kámeletke tolmaǵan bala. Jol-kólik oqıǵasy saldarynan tórt jolaýshy jaralanyp, Yrǵyz aýdanynyń ortalyq aýrýhanasyna jetkizildi. Aqtóbe oblysynyń Polıtsııa departamenti jol qozǵalysy erejelerin saqtaý qajettiligi týraly eskertedi«,- dep habarlady oblystyq PD baspasóz qyzmetiniń jetekshisi Erbolat Sarqulov.
Eske salsaq, Aqtóbe qalasynda da eki kólik soqtyǵysyp, jolaýshy men júrgizýshi oqıǵa ornynda kóz jumdy.
