Aqtóbede jolaýshylar avtobýsy órtenip ketti
AQTÓBE. QazAqparat - Aqtóbe-Hromtaý baǵytyndaǵy jolaýshylar avtobýsy órtenip ketti. Zardap shekken eshkim joq, dep habarlaıdy QazAqparat tilshisi.
Samara-Shymkent trassasymen jolǵa shyqqan Aqtóbe-Hromtaý baǵytyndaǵy jolaýshylar kóligi túski saǵat 12:06-da órtengen. Órt qozǵalqyshtan shyqqan. Qazir órttiń negizgi sebebi anyqtalyp jatyr.
«Hromtaý qalasynan 35 shaqyrym jerde jolaýshylar avtobýsy órtendi. Avtobýs ishinde 35 adam bolǵan. Eshkim zardap shekken joq. Jolaýshylardyń bári Aqtóbeden qosymsha shyqqan kólikke otyrǵyzylyp, Hromtaýǵa jetkizildi. Qazir órttiń negizgi sebebi anyqtalyp jatyr», - dedi oblystyq tótenshe jaǵdaılar basqarmasynyń memlekettik til jáne aqparattyq tobynyń bas mamany Dınara Atyraýbaeva.
Aıta keteıik, órt 14:20-da sóndirildi. Órt sóndirýge 1 tehnıka men 5 adam jumyldyryldy.
