Aqtóbede jolaýshylar avtobýsy men KamAZ soqtyǵysty
AQTÓBE. QazAqparat - Aqtóbede qoǵamdyq kólik pen KamAZ soqtyǵysty, dep habarlaıdy QazAqparat tilshisi.
Búgin keshkilik Aqtóbe qalasynyń ortalyǵynda iri jol apaty boldy. Taıaýda ǵana qalalyq marshrýtqa shyǵarylǵan №21 baǵyttaǵy avtobýs beton aralastyratyn KamAz kóligimen soqtyǵysty.
Saldarynan jańa avtobýstyń terezeleri syndy. Oqıǵa ornyna jedel járdem shaqyryldy.
«Qazir naqty kimniń kináli ekenin aıta almaımyn. Polıtsııa tergeýge kiristi. Avtobýstaǵy úsh jolaýshy jeńil jaralanyp, jedel járdemmen aýrýhanaǵa jetkizildi»,- dedi «Avtopark» JShS-nyń zańgeri Rýslan Jylqamanov.
Oqıǵaǵa kýá bolǵandar jol apatynyń vıdeosyn áleýmettik jelide bólisýde.
