Aqtóbede jolaýshy qoǵamdyq kólik ishinde kóz jumdy
AQTÓBE. QazAqparat - Aqtóbede qoǵamdyq kólik ishinde aıǵaı-shý bolyp, jolaýshy kóz jumdy, dep habarlaıdy QazAqparat tilshisi.
Aqtóbede №29 baǵyttaǵy avtobýsta qaıǵyly jaǵdaı tirkeldi. Avtobýs ishinde aıǵaı-shý bolyp, bir adam qaza tapty.
«Búgin avtobýsta qaıǵyly jaǵdaı tirkeldi. Avtobýs aıaldamada turǵan kezde ishindegi jolaýshylar ózara kıkiljiń shyǵaryp, jasy úlken adamnyń jaǵdaıy nasharlap ketken. Ol «mazamdy almaı, shyǵyńdar» dep eskertken eken. Sol aralyqta jaǵdaıy nasharlaǵan, esinen tanyp qaldy. Dereý jedel járdem shaqyrylǵanymen, eshkim kómektese almady. Jolaýshy sol jerde kóz jumdy. Polıtsııa qyzmetkerleri de keldi», - dedi «Avtopark» JShS-nyń zańgeri Rýslan Jylqamanov.
