Aqtóbede jolaýshylar poıyzynyń bastyǵyn pyshaqtap ketti

AQTÓBE. KAZINFORM — Jolaýshylar poıyzynyń Aqtóbe ýchaskesindegi bastyǵyn qalanyń eski bóliginde óltirip ketti. Polıtsııa qylmystyq is qozǵady.

Oqıǵa Aqtóbe qalasyndaǵy Kereev kóshesinde boldy. Marqum sol kúni demalysta júrgen. 

— Polıtsııa qyzmetkerleri kúdiktini ustady. Adam óltirý faktisi boıynsha qylmystyq is qozǵaldy, jan-jaqty jáne tolyq tergeý júrgizý maqsatynda qajetti tergeý is-sharalary júrgizilip jatyr. Tergeý múddesine baılanysty ózge aqparat jarııa etilmeıdi, — dep habarlady oblystyq PD baspasóz qyzmeti.

Eske salsaq, Aqtóbede bir basseınde eki adam kóz jumdy. Polıtsııa eki túrli ýaqytta bolǵan oqıǵa boıynsha da Qylmystyq kodekstiń «Qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetter kórsetý» baby boıynsha is qozǵady.