Aqtóbede jolaqyny qymbattatý týraly usynysty ákimdik keri qaıtardy
AQTÓBE. QazAqparat - Aqtóbede tasymaldaýshy kompanııalardyń jolaqyny qymbattatý týraly usynysyn qalalyq ákimdik keri qaıtardy, dep habarlaıdy QazAqparat tilshisi.
Másele ákimdik janyndaǵy qoǵamdyq keńeste talqylanǵan. Keńes músheleri baǵany ósirý týraly tasymaldaýshylardyń aıtqan usynystary áli de tolyqtyrýdy qajet ekendigin aıtyp, qaıtyp bergen. Jolaqysyn ósirýdi talqylaý barysynda kóptegen saýaldar týyndaǵan. Mysaly, qyzmet kórsetý sapasyn jaqsartý, jolaýshylarǵa bılet berýge qatysty syndar aıtylǵan. Osynyń barlyǵyn eskerip, jergilikti atqarýshy bılik shyǵyndarǵa qatysty qujattaryn tolyqtyryp ákelýdi surady.
«Keńes músheleri usynystaryn aıtty. Halyqqa qyzmet kórsetý jaǵyn durystaý kerek. Shyǵyndaryn qaıta qaraý kerek. Qosymsha qujattar talap etip otyrmyz. Biz óz tarapymyzdan esepteýdiń óz ádisi bar. Másele áli de qaralyp jatyr», - deıdi Aqtóbe qalasy ákiminiń orynbasary Naǵymjan Aldııarov.
Aqtóbede jolaýshylar tasymalymen «Avtopark» jáne «PATP» JShS aınalysady. Olar jolaqysyn qymbattatý týraly máseleni ótken jyldyń qarashasynan beri kóterip keledi.
Trolleıbýs parki 105 , al avtobýs parki 130 teńgege deıin kóterýdi surady. Jol puldy ósirýge qatysty aıtqan ýájderi - avtoqosalqy bólshekteri, gaz baǵasynyń qymbattaýy. Oǵan qosa, shyǵyndary da artqan. Aıta ketsek, qazir Aqtóbede qoǵamdyq kólikte júrý quny - 55 teńge.
Zada Zeıin
