Aqtóbede jol jóndeýshini kólik qaǵyp ketti
AQTÓBE. QazAqparat – Aqtóbe oblysynyń Qobda aýdanyndaǵy Álııa aýylynda jol boıynda jóndeý jumystaryn júrgizip jatqan jumysshyny kólik qaǵyp ketti, dep habarlaıdy QazAqparat oblystyq Polıtsııa departamentiniń baspasóz qyzmetine silteme jasap.
«23 shilde kúni saǵat 22:00-de «Lada-Vesta» kóligi Qobda aýdanynyń Álııa aýylynan 6 km qashyqtyqta jóndeý jumystaryn júrgizip jatqan «Kazavtodor» JShS-niń operatoryn qaǵyp ketti. Kólik qozǵalysyn toqtatpastan kelesi kólikke kelip soǵyldy. «Kazavtodor» jumysshysy tizesi synyp, Aqtóbe qalasynyń jedel medıtsınalyq kómek aýrýhanasyna jetkizildi»,-dep habarlady Polıtsııa departamentiniń baspasóz hatshysy Erbolat Sarqulov.
Eki kóliktiń de júrgizýshileri zardap shekken joq.
