Aqtóbede jol jóndep jatqandardy kórmegen júrgizýshiniń kóligi aýdarylyp qaldy
AQTÓBE. QazAqparat – Aqtóbe-Atyraý tasjolynda jol apaty boldy. Jóndeý jumystary áli bitpegen aýmaqta kólik aýdarylyp, eki adam aýrýhanaǵa tústi, dep habarlaıdy QazAqparat tilshisi.
Oqıǵa 31 qańtar kúni saǵat 18:20 shamasynda tirkeldi.
Aqtóbe-Atyraý tasjolymen qozǵalǵan «Toyota Corolla» avtokóliginiń 40 jastaǵy júrgizýshisi Qaraýylkeldi aýylyna jaqyn jerde jol jumystary júrgizilip jatqan ýchaskede jyldamdyqty tómendetpeı, aýdarylyp ketken.
«Joldyń osy bóliginde jóndeý jumystary júrgizildi jáne belgiler men qorshaýlar qoıyldy. Biraq júrgizýshi muny eskermegen. Jol apaty saldarynan «Toyota Corolla» avtokóliginiń eki jolaýshysy Baıǵanın aýdanynyń ortalyq aýrýhanasyna jetkizildi. Aqtóbe oblysynyń Polıtsııa departamenti barlyq júrgizýshilerge jolda abaı bolýdy suraıdy. Jyldamdyqty shamadan tys asyrmańyz, manevrlerden aýlaq bolyńyz, eshqandaı jaǵdaıda qarsy qozǵalys jolaǵyna shyqpańyz», - dedi oblystyq PD baspasóz qyzmetiniń jetekshisi Erbolat Sarqulov.
