Aqtóbede jol jıegindegi júrginshini júk kóligi súırep ketti
AQTÓBE. QazAqparat – Aqtóbede júrginshini júk kóligi súırep ketti. Ol oqıǵa ornynda mert boldy, dep habarlaıdy QazAqparat tilshisi.
«KamAZ» júk kóliginiń júrgizýshisi tirkemesimen mal bazary mańyndaǵy aınalma jolda jyldamdyqty báseńdetpeı, bir adamdy súırep ketti. Qalanyń 39 jastaǵy turǵyny alǵan jaraqatynan oqıǵa ornynda kóz jumdy.
«Qylmystyq kodekstiń «Jol qozǵalysy erejesin buzý» baby boıynsha sotqa deıingi tergeý bastaldy. Jaıaý júrginshilerdiń jol apatynan alǵan jaraqaty kóbinese aýyr zardaptarǵa ákeledi. Sondyqtan jaıaý júrginshi erejelerdi bilýi jáne qatań saqtaýy kerek. Belgilengen oryndarda joldy kesip ótý, jaryq shaǵylystyratyn elementter kııý, jol jıegimen tek kólik qozǵalysyna qaraı júrý mańyzdy. Júrginshilerge arnalǵan jol nashar bolsa da túnde joldyń boıymen júrýge bolmaıdy. Bul óte qaýipti», - dedi oblystyq PD bastyǵy Atyǵaı Arystanov.
