Aqtóbede jol jıeginde turǵan eki jolaýshyny kólik qaǵyp ketti
AQTÓBE. QazAqparat – Aqtóbede jol-kólik apatynan 2 adam mert boldy, dep habarlaıdy QazAqparat tilshisi.
Oqıǵa Qarabutaq-Qostanaı tasjolynda tirkeldi. «Mercedes-Benz-1841 Actors» júk kóliginiń júrgizýshisi jol jıeginde turǵan eki adamdy qaǵyp ketti. Rýlde Almaty oblysynyń 61 jastaǵy turǵyny bolǵan.
«Jol jıeginde turǵan «VAZ-21100» kóliginiń eki jolaýshysyn kólik qaǵyp ketti. Aqtóbe qalasynyń 36 jáne 37 jastaǵy turǵyndary alǵan jaraqattarynan oqıǵa ornynda kóz jumdy. Atalǵan fakti boıynsha Qylmystyq kodekstiń «Abaısyzda eki nemese odan da kóp adamnyń ólimine ákep soqqan JQE buzý» baby boıynsha tergeý amaldary júrgizilip jatyr», - dep habarlady oblystyq PD baspasóz qyzmetiniń jetekshisi Erbolat Sarqulov.
