Aqtóbede jol jıeginde kele jatqan júrginshini kólik qaǵyp, mert qyldy
AQTÓBE. QazAqparat – Aqtóbede jol jıegimen júrgen jaıaý júrginshini kólik qaǵyp ketti. 37 jastaǵy er adam oqıǵa ornynda kóz jumdy, dep habarlaıdy QazAqparat tilshisi.
Búgin saǵat 00:34-te Aqtóbe qalasynan Alǵa aýdany Bestamaq aýylyna qaraı baǵyt alǵan Volkswagen Sharan avtokóliginiń júrgizýshisi qarsy baǵytqa shyǵyp ketedi. Sol kezde Bestamaq aýylynan Aqtóbe qalasyna qaraı jaıaý ketip bara jatqan 37 jastaǵy júrginshini qaǵyp ketedi.
«Jol-kólik oqıǵasy saldarynan jaıaý júrginshi oqıǵa ornynda qaza tapty. Qazirgi kezde Qylmystyq kodekstiń «Jol qozǵalysy erejesin buzý» baby boıynsha sotqa deıingi tergeý bastaldy», - dedi oblystyq PD baspasóz qyzmetiniń jetekshisi Erbolat Sarqulov.
Eske salsaq, Aqtóbede jeńil jáne júk kóligi soqtyǵysyp, saldarynan 5 adam kóz jumdy.
