Aqtóbede jol qurylysyna qatysty 20-dan astam is sotta qaralyp jatyr

AQTÓBE. KAZINFORM – Aqtóbede qala boıynsha 17, aýdandarda 9 joba boıynsha is qaralyp jatyr. Al bıyl jol qurylysyna, jóndeýge 60 mlrd teńgege jýyq qarjy bólindi.

Aqtóbe oblysynda 2022-2024 jyldar aralyǵynda 1200 shaqyrymnan astam jol jóneldi. Oǵan 133 mlrd teńge qarjy jumsaldy. Aqtóbe oblystyq jolaýshylar kóligi jánek avtobıl joldary basqarmasy basshysynyń orynbasary Eset Amanbaevtyń aıtýynsha, jergilikti deńgeıdegi joldardyń 78 paıyzy jaqsy jáne qanaǵattanarlyq deńgeıge jetti. 

- Bıyl jol ınfraqurylymyna 60 mlrd teńgege jýyq qarjy bólindi. 36 joba – aýdanaralyq jáne oblysaralyq jergilikti mańyzy bar jol. Al 120 joba – aýylishilik, qalaishilik jol. Bıyl 56 aýyldaǵy joldy jóndeýge 9,9 mlrd teńge bólindi. Bul degenimiz 100 shaqyrym jol,- dedi Eset Amanbaev. 

Aqtóbe oblysy boıynsha salynǵan keıbir jol qurylysy bitpeı jatyp shuryq-tesik bolyp qaldy. Byltyr Úkimet basshysy Oljas Bektenov Juryn-Qarakól baǵytyndaǵy asfalttiń úgitilip qalǵanyn aıtyp, synady. 

Jergilikti ákimdik sol kezde merdigerdi josyqsyz dep taný úshin sotqa júgindi.

Aqtóbe oblystyq jolaýshylar kóligi jánek avtobıl joldary basqarmasy basshysynyń orynbasary Eset Amanbaevtyń aıtýynsha, Juryn-Qarakól-Aşysaı baǵytynyń 15-30 shaqyrymy qabyldanyp, jol Muǵaljar aýdandyq TÚKSh bólimine ótti. Al 0-15 shaqyrymy áli qabyldanbady. Munda 1 shaqyrym jolda jóndeý jumysy aıaqtalmaǵan.

Eset Amanbaevtyń málimetine súıensek, óńirde 26 is bar. Onyń 17-i qalada, 9-y aýdandarda. Kóbine tapsyrys berýshi jumysyn tıisti deńgeıde oryndamaǵan merdigerdiń ústinen aryz túsirgen. Ásirese josyqsyz dep tanýdy surady.