Aqtóbede jol-kólik oqıǵasynan soń Samara-Shymkent tasjolynyń bir bóligi jabyldy

AQTÓBE. KAZINFORM — Jol búgin saǵat 09:40–ta jabyldy. Shekteý barlyq kólikke birdeı qoıyldy. 

«QazAvtoJol» UK» AQ-nyń Aqtóbe oblystyq fılıalynyń habarlaýynsha, shekteý shuǵyl qoıyldy.

— Aqtóbe oblysynda jol-kólik oqıǵasy bolyp, búgin saǵat 09:40–ta respýblıkalyq mańyzy bar «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» tasjolynyń 844-965 shaqyrymy aralyǵyna, ıaǵnı Hromtaý qalasy men Qarabutaq aýyly ýchaskesinde kóliktiń barlyq túriniń qozǵalysyna shekteý qoıyldy, — dep jazylǵan habarlamada.

Aıta keteıik, oqıǵa búgin Samara — Shymkent tasjolynda boldy. Polıtsııa taratqan aqparatqa súıensek, júk kóligi qarsy baǵytqa shyǵyp ketken. Jol-kólik oqıǵasy saldarynan eki júrgizýshi men GAZel avtokóliginiń 10 jolaýshysy kóz jumdy.  Qazirgi kezde úsh adamnyń jaǵdaıy aýyr, ekeýiniń jaǵdaıy ortasha. Bári de Hromtaý aýdandyq aýrýhanasynda jatyr.