Aqtóbede jol-kólik oqıǵasy kezinde jabylǵan baǵytta qatynas qaıta jandandy

AQTÓBE. KAZINFORM – Jol úsh saǵatqa ýaqytsha jabyldy. Qazirgi kezde jeńil kólikterdiń júrýine ruqsat berildi.

«QazAvtoJol» UK» AQ-y taratqan málimetke súıensek, Hromtaý men Qarabutaq arasynda jeńil kólikter júre bastady. 

— Jol saǵat 12:30–da ashyldy. Respýblıkalyq mańyzy bar «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 844-965 shaqyrym aralyǵyndaǵy (Hromtaý qalasy men Qarabutaq aýyly arasy-red.) ýchaskesinde jeńil kólikter úshin qozǵalys ashyldy. 1403 baılanys ortalyǵyna habarlasyp, táýlik boıy qosymsha aqparat alýǵa bolady, — dep málimet taratty «QazAvtoJol» UK» AQ-y. 

Eske salsaq, jol búgin saǵat 09:40–ta jabyldy. Sebebi bul jolda polıtsııanyń tergeý toby jumys istedi. 

Buǵan deıin habarlaǵanymyzdaı Aqtóbede eki kólik soqtyǵysyp, 12 adam qaza tapqan edi.

Jol apatynan aman qalǵan úsh adamnyń jaǵdaıy aýyr, ekeýiniń jaǵdaıy ortasha. 

Sondaı-aq ІІM Aqtóbe oblysyndaǵy jol-kólik oqıǵasyn tergeý úshin arnaıy top jiberdi.