Aqtóbede jol-kólik apatynan tórt adam aýrýhanaǵa tústi
AQTÓBE. KAZINFORM – Aqtóbede eki kólik soqtyǵysyp, 4 adam aýrýhanaǵa tústi.
Aqtóbe-Bolgarka-Shubarqudyq baǵytyndaǵy jolda Toyota Camry jáne Toyota Siena avtokólikteri soqtyǵysty. Apat saldarynan eki júrgizishi jáne Toyota-Sienna avtokóliginiń jolaýshysy túrli jaraqat alyp, medıtsınalyq mekemege jetkizildi.
«Zardap shekken 4 adam Temir aýdandyq aýrýhanasyna jetkizildi. Eki avtokóliktiń de júrgizýshileri dene jaraqatyn alǵan, jambas súıekterine zaqym kelgen. Toyota Camry kóliginde bolǵan bir jolaýshynyń aıaǵy synǵan, sol jaq shyntaǵy shyǵyp ketken. Al Toyota Siena-daǵy bir jolaýshynyń oń jaq tizesi kógergen. Olardyń jaǵdaıy qalypty. Travmatologtiń baqylaýyna alynyp, gıps salyndy», - dedi oblystyq Densaýlyq saqtaý basqarmasynyń basshysy Nurbol Tympıev.
Qazirgi kezde sotqa deıingi tergeý júrgizilip jatyr.
Eske salsaq, Aqtóbe-Astrahan tasjolynda eki kólik soqtyǵysyp, 8 adam janyp ketti. Onyń tórteýi oqýshy.