Aqtóbede jol-kólik apatynan birden 8 adam mert boldy

AQTÓBE. KAZINFORM – Aqtóbe oblysynda jol-kólik apaty bolyp, 8 adam kóz jumǵan. Bir kólik órtenip ketti.

Aqtóbe oblystyq densaýlyq saqtaý basqarmasynyń habarlaýynsha, oqıǵa búgin saǵat 08:36–da tirkelgen.

Aqtóbe-Atyraý tasjolynda Lada Largýs jáne Toıota Haılıýsk kóligi soqtyǵysqan. 

— Jol-kólik apaty kezinde Lada Largýs kóligi jandy. Barlyǵy 8 adam kóz jumdy. Sonymen birge 3 adam Muǵaljar aýdandyq aýrýhanasyna jetkizilip, dárigerler qarap shyqty, — dep habarlady Aqtóbe oblystyq densaýlyq saqtaý basqarmasynyń basshysy Nurbol Tympıev. 

Aıta keteıik, jolaýshylar arasynda balalar da bolǵan.

Qazirgi kezde olardyń jasy men aty-jóni anyqtalyp jatyr.