Aqtóbede jol-kólik apatynan aman qalǵan oqýshylardyń jaǵdaıy belgili boldy

Aqtóbe oblysy Yrǵyz aýdandyq aýrýhanasyna jetkizilgen oqýshylardyń jaǵdaıy ortasha aýyr. Qazirgi kezde dárigerler em júrgizip jatyr, dep habarlaıdy Kazinform. 

Aqtóbe oblysynyń Samara-Shymkent tasjolynda bolǵan jol-kólik apatynan soń úsh oqýshy Yrǵyz aýdandyq aýrýhanasyna jetkizildi. Qazirgi kezde olarǵa em júrgizilip jatyr.

«2007 jyly týǵan qyz jabyq bas-mı jaraqatyn alǵan. Mı shaıqalýy, bastyń mańdaı bóliginiń jarylýy tirkeldi. Sol jaq tize býynyn soqqan. 2009 jyly týǵan oqýshy qyz da jabyq bas-mı jaraqatyn alǵan. Mıy shaıqalǵan. Sol jaq qulaǵy soǵylyp, jaralanǵan. 2008 jyly týǵan er bala da jabyq bas-mı jaraqatyn alǵan. Mıy shaıqalyp, sol jaq keýde qýysy soǵyldy. Qazir úsh balanyń jaǵdaıy ortasha aýyr. Jaraqat alǵan balalarǵa qatysty telemedıtsına ótti. Emdeý taktıkasy sheshiledi. Eger qajet bolsa oblys ortalyǵyna jetkiziledi. Júrgizýshiniń kóp jaraqaty joq. Psıhologpen sóılesip jatyr», - dedi oblystyq Densaýlyq saqtaý basqarmasynyń basshysy Rústem Isaev.

Eske salsaq, jeńil jáne júk kóligi soqtyǵysyp, 3 adam kóz jumdy. Onyń ekeýi oqýshy bolatyn.