Aqtóbede jol-kólik apatynan 3 adam kóz jumdy
AQTÓBE. KAZINFORM – Samara-Shymkent tasjolynyń Yrǵyz aýyly mańynda eki kólik soqtyǵysty. Saldarynan jeńil kóliktiń júrgizýshisi men eki jolaýshy ajal qushty.
Oqıǵa 9 mamyr kúni boldy. Samara-Shymkent avtojolynda VAZ avtokóligi men bir baǵytta kele jatqan MAN júk kóligi soqtyǵysqan. Jeńil kólikte Yrǵyz aýdanynyń adamdary bolsa, júk kóligin sheteldik júrgizgen.
- Apat saldarynan jeńil avtokóliktiń júrgizýshisi men onyń eki jolaýshysy qaıtys boldy. Qazirgi ýaqytta jol-kólik oqıǵasy faktisi boıynsha sotqa deıingi tergep-tekserý júrgizilip jatyr. Polıtsııa departamenti júrgizýshilerdi jol erejelerin qatań saqtaýǵa shaqyrady, - dep habarlady oblystyq PD baspasóz qyzmetiniń jetekshisi Erbolat Sarqulov.
Aıta keteıik, jeńil kólik ishinde bolǵan eki adam – erli-zaıypty. Ekeýi de Y.Altynsarın orta mektebinde jumys istegen. Biri dene shynyqtyrý, ekinshisi bastaýysh synyp muǵalimi bolǵan. Al, úshinshi adam – aýdandyq máslıhat depýtaty ári mal dárigeri. Oblys ákimi baspasóz qyzmetiniń habarlaýynsha, trassalyq medıtsınalyq-qutqarý pýnktiniń jáne №12 órt sóndirý bólimi qyzmetkerleri holmatro quralyn paıdalanyp, jeńil avtokólik ishinde qystyrylyp qalǵan 2 adamdy alyp shyqty. Bir adam jedel járdem kóligimen aýdandyq aýrýhanaǵa jetkizilgenimen, tańǵy 5-te kóz jumdy.
Eske salsaq, buǵan deıin Aqtóbedegi Jaısańbaı aýylynda jaryq óship qalǵanyn jazǵan edik.
