Aqtóbede jol-kólik apaty kezinde tórt adam mert boldy
AQTÓBE. KAZINFORM — Aqtóbe — Orynbor tasjolynda úsh kólik soqtyǵysty. Oqıǵa ornynda úsh jolaýshy men júrgizýshi kóz jumdy.
Oqıǵa Aqtóbe — Orynbor baǵytyndaǵy tasjoldyń Qýraıly turǵyn alaby mańynda boldy. Úsh kólik soqtyǵysty.
— Aqtóbe qalasynan Mártók aýylyna qaraı baǵyt alǵan «Honda Odyssey» avtokóliginiń júrgizýshisi qarsy jolaqqa shyqqan. Sol kezde «Hyundai Solaris» avtokóligimen soqtyǵysty. Soqqydan «Honda Odyssey» baǵytyn ózgertip, qarsy baǵytta kele jatqan VAZ-2110 avtokóligimen soqtyǵysqan. Jol-kólik oqıǵasy saldarynan VAZ-2110 avtokóliginiń júrgizýshisi men úsh jolaýshysy oqıǵa ornynda qaza tapty. Sonymen birge «Honda Odyssey» jáne VAZ-2110 avtokólikteriniń eki jolaýshysy zardap shekti. Olarǵa medıtsınalyq kómek kórsetilip jatyr. Al «Honda Odyssey» avtokóliginiń júrgizýshisi Aqtóbe qalasynyń ýaqytsha ustaý ızolıatoryna qamaldy, — dep habarlady Aqtóbe oblystyq PD baspasóz qyzmeti.
Eske salsaq, keshe Jetisý oblysynda jol apatynan 5 adam mert boldy. Ártúrli dárejedegi dene jaraqatyn alǵan 2 jolaýshy medıtsınalyq kómek kórsetý úshin aýrýhanaǵa jetkizildi.