Aqtóbede jol-kólik apaty kezinde eki adam qaza taýyp, beseýi aýrýhanaǵa tústi
AQTÓBE. KAZINFORM - Jol-kólik apaty Samara - Shymkent tasjolynda boldy. Júk jáne jeńil kólik soqtyǵysyp, júrgizýshi men kámelet jasqa tolmaǵan bala kóz jumdy.
Áıteke bı aýdandyq polıtsııa bóliminiń bastyǵy Ákimgereı Balmaǵambetovtiń aıtýynsha, jolda DAF júk kóligi men BMW markaly jol talǵamaıtyn avtokóligi soqtyǵysqan.
- Soqtyǵysý saldarynan BMW avtokóliginiń júrgizýshisi oqıǵa ornynda qaıtys boldy. Atalǵan kóliktiń bes jolaýshysy jáne DAF júk kóliginiń júrgizýshisi medıtsınalyq kómek kórsetý úshin medıtsınalyq mekemege jetkizildi. Aýrýhanada kámelet jasqa tolmaǵan bala kóz jumdy. Qylmystyq is qozǵaldy, qazirgi ýaqytta oqıǵanyń barlyq mán-jaıy anyqtalyp jatyr,- dedi Ákimgereı Balmaǵambetov.
Aıta keteıik, qoǵamdyq tártipti saqtaý jáne jol qozǵalysy qaýipsizdigin qamtamasyz etý maqsatynda demalys kúnderi Aqtóbe qalasy aýmaǵynda profılaktıkalyq is-shara ótkizdi. Barlyǵy 817 ákimshilik quqyq buzýshylyq anyqtaldy. Onyń 700-den astamy jol qaýipsizdigine qatysty boldy. 36 kólik arnaıy turaqqa qoıyldy, onyń ishinde 4 sheteldik eseptegi avtokólik jáne 1 moped bar.
Buǵan deıin habarlaǵanymyzdaı, Almatyda jol apatynan eki adam mert boldy.
